Bakı. Trend:
“Real”ın baş məşqçisi Karlo Ançelotti həbs oluna bilər.
Trend İdman.biz-ə istinadən xəbər verir ki, Madrid prokurorluğu onun 4 il 9 ay müddətinə azadlıqdan məhrum edilməsini istəyib.
Buna italiyalı mütəxəssisin 2014-15-ci illərdə 1 milyon avrodan artıq məbləği vergi müfəttişliyindən gizlətməsi səbəb olub. Ançelotti hesabatlarda yalnız klubdan aldığı maaşı göstərib, digər təşkilatlardan əldə etdiyi gəlirləri gizlədib.
Qeyd edək ki, Ançelotti 2021-ci ildən “Real”a rəhbərlik edir. O, 2013-15-ci illərdə də Madrid təmsilçisinin baş məşqçisi olub.