Bakı. Trend:
Bakıda akrobatika üzrə 29-cu ölkə çempionatın və Bakı birinciliyi start götürüb.
Trend xəbər verir ki, Heydər Əliyev adına İdman Konsert Kompleksində akrobatika gimnastikası üzrə 29-cu Ölkə çempionatı və Bakı birinciliyi start götürüb.
Milli yarışda Bakı Gimnastika Məktəbi, “Ocaq Sport” Klubu, “Neftçi” İdman Klubu, 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi ümumilikdə 73 idmançı təmsil edəcək.
Üç günlük yarışlarda qadın cütlükləri (uşaqlar 2008-2013; balacalar 2009-2018-ci il), kişi cütlükləri (böyüklər 2009-cu il və daha böyük), qarışıq cütlüklər (böyüklər 2009-cu il və daha böyük), qadın qrupları (uşaqlar 2008-2013; yeniyetmələr 2006-2012; gənclər 2005-2010; böyüklər 2009-cu il və daha böyük) və kişi qrupları (yeniyetmələr 2006-2012; böyüklər 2009-cu il və daha böyük) balans, temp və qarışıq hərəkətlər proqramında medallar uğrunda mübarizə aparacaqlar.
