Bakı. Trend:
11 oktyabr 2018-ci il tarixində “Azərkosmos” ASC Azərbaycan Prezidenti yanında Bilik Fondunun təşkilatçılığı ilə Azərbaycan Texniki Universitetinin müəllim və tələbə heyəti üçün “Azərbaycanın peyk layihələri” mövzusunda mühazirə keçirib.
ASC-dən Trend-ə verilən məlumata görə, mühazirə iştirakçılarına “Azərkosmos”un fəaliyyəti, idarəçiliyində olan peyklər və bu ilin 26 sentyabr tarixində uğurla orbitə buraxılan “Azerspace-2” telekommunikasiya peyki haqqında məlumat verilib.
Görüş əsnasında “Azərkosmos”da aerokosmik sahədə elmi-təcrübi tədqiqatların aparılması və səmərəli kommersiya həllərinin yaradılması məqsədilə “Tədqiqat və İnkişaf Mərkəzi”nin fəaliyyət göstərməsi vuğulanıb və tələbələrlə bu sahədə maarifləndirci müzakirələr aparılıb.
