Bakı. Sədrəddin Ağcayev, tərcümə Orxan Nəbiyev - Trend:
Türkiyədən Bakı-Tbilisi-Qars dəmir yolu ilə yola salınmış konteyner qatarı Rusiyanın Kaluqa vilayətinin Vorsino dəmiryol stansiyasına çatıb.
Trend-in məlumatına görə, həmin marşrutla Rusiyaya ixrac ilk dəfə həyata keçirilib.
Qeyd edək ki, 15 konteynerdən ibarət qatar Türkiyənin Ankara şəhərindən yanvarın 29-da start götürmüşdü. Qatar bu müddət ərzində 4 650 kilometr məsafə qət edib.
40 futluq konteynerlərdən ibarət olan qatarın yükü, əsasən, Türkiyə istehsalı olan məişət əşyaları olub. Yükün ümumi çəkisi isə 150 tondur.
Qatar Bakı-Tbilisi- Qars dəmir yolu və "Şimal-Cənub" Nəqliyyat Dəhlizi vasitəsilə, Türkiyə, Gürcüstan, Azərbaycan ərazisindən keçərək Rusiyaya daxil olub.