Bakı. Trend:
“Azərşəkər” MMC-nin Ağdam rayonunun işğaldan azad edilmiş ərazilərindəki nar bağlarından ilk dəfə məhsul yığılıb.
Bu barədə Trend-in sorğusuna cavab olaraq İqtisadi Zonaların İnkişafı Agentliyindən (İZİA) məlumat verilib.
Bildirilib ki, indiyədək 133 ton məhsul satışı həyata keçirilib ki, bunun 16 tona yaxın hissəsi Sinqapur, Kanada və Rusiyaya ixrac edilib, 117 tonu isə daxili bazara satılıb.
"Məhsul satışından əldə olunan gəlirin bir hissəsi "YAŞAT" Fonduna ianə ediləcək",- deyə məlumatda qeyd edilib.