Bakı. Trend:
ABŞ və Çin hakimiyyət orqanları Beynəlxalq Valyuta Fondunun (BVF) kvotalarının hesablanması üçün ölkələrin fondun maliyyə resurslarına çıxışına və səsvermə hüququna təsir edən yeni formula üzərində işləmək barədə razılığa gəliblər.
Trend-in məlumatına görə, bu barədə ABŞ maliyyə naziri mətbuat konfransında çıxışı zamanı deyib.
"Çinin BVF kvotalarının mütənasib şəkildə artırılması üçün səsvermədə əksər digər üzv ölkələrə qoşulmasını məmnuniyyətlə qeyd etdik. Bu, bir çox inkişaf etməkdə olan ölkələr üçün çox vacibdir", - deyə nazir qeyd edib.
O, Çinin fonddakı kvotalarla bağlı vəziyyətdən narahat olduğunu vurğulayıb:
"Ədalətli demək olar ki, Çindən olan həmkarlarımızla apardığımız müzakirələr nəticəsində onların narahatlığını daha yaxşı başa düşürük. Razılaşdıq ki, kvotaların növbəti artımı zamanı səs paylarının bölüşdürülməsini tənzimləyən yeni düstur lazımdır".