Bakı. Trend:
"Aztransrail" MMC ilə "Azərbaycan Dəmir Yolları” QSC arasında birbaşa ekspedisiya müqaviləsi imzalanıb.
Trend xəbər verir ki, Aztransrail MMC müxtəlif nəqliyyat vasitələri ilə istənilən istiqamətdə bütün növ yüklərin daşınması üzrə ixtisaslaşmış nüfuzlu regional logistika şirkətidir.
Şirkətin strateji diqqəti Avropa İttifaqı və Şərqi Avropa, Qafqaz və Mərkəzi Asiya regionunun 12 üzv dövlətini əhatə edən beynəlxalq nəqliyyat proqramı olan Avropa-Qafqaz-Asiya (TRACECA) dəhlizinə yönəlib. Şirkət beynəlxalq dəniz yükdaşımaları, beynəlxalq dəmir yolu yükləri, beynəlxalq hava yükləri və beynəlxalq yük daşımaları da daxil olmaqla bir sıra nəqliyyat xidmətləri təklif edir. Azərbaycan Dəmir Yolları” QSC ilə birbaşa ekspedisiya müqaviləsi şirkətə Orta dəhlizə, o cümlədən Şimal-Cənub dəhlizinə əlavə yüklərin cəlb edilməsinə imkan verəcək.