Qəbələ. Trend:
Yaxın zamanda yeni külək enerji stansiyası istismara veriləcək.
Trend-in
məlumatına görə, bunu Energetika Nazirliyinin tabeliyindəki Bərpa
Olunan Enerji Mənbələri Dövlət Agentliyinin direktoru Cavid
Abdullayev bu gün Qəbələ rayonunda “Savalan” şərab zavodunun
ərazisində istifadəyə verilən hər birinin gücü 150 kVt/saat olmaqla
3 ədəd Günəş Elektrik Stansiyasının təqdimat mərasimində
bildirib.
Onun sözlərinə görə, Azərbaycanda istifadəyə verilən hər bər olunan
enerji məmbələri üzrə layihə ölkəmizin növbəti uğurudur.
Azərbaycanda Birləşmiş Ərəb Əmirliklərinin “Masdar” şirkəti ilə
birgə bir neçə layihə həyata keçirilir.
“Artıq bir neçə günəş enerji layihələri istifadəyə verilib. Yaxın zamanda yeni külək enerji stansiyası istismara veriləcək. Artıq bu stansiyanın turbinləri Bakıya gətirilib”.
C. Abdullayev qeyd edib ki, bundan başqa, daha böyük meqalayihələr var ki, onlar da qarşıdakı illərdə istifadəyə veriləcək: “Sevindirici haldır ki, bütün bu layihələrin istifadəyə verilməsində dövlət tərəfindən vəsait ayrılmayıb və yalnız özəl investisiya hesabına həyata keçirilib. Yaşıl enerjiyə keçiddə özəl sektorun önəm verməsi təqdirəlayiq haldır”