Bakı. Trend:
Türk Dövlətləri Təşkilatına (TDT) üzv ölkələr arasında əməkdaşlıq keyfiyyətcə yeni səviyyəyə yüksəlib və öz dayanıqlığını və uzunmüddətli potensialını nümayiş etdirib.
Bunu Trend-ə müsahibəsində Qazaxıstanlı politoloq və "Talap" Tətbiqi Tədqiqatlar Mərkəzinin analitiki Erik Batırxanov bildirib.
“Son illərdə TDT ölkələri siyasi və mədəni bəyanatların çox irəliləyərək, iqtisadiyyat və təhlükəsizlik sahələrində inteqrasiya üçün konkret mexanizmlər və institutlar inkişaf etdiriblər”, - E.Batırxanov vurğulayıb.
Xüsusi diqqət mədəni əlaqələrin gücləndirilməsinə və birgə layihələrə, o cümlədən infrastruktur və enerji təşəbbüslərini dəstəkləmək üçün Türk İnvestisiya Fondunun yaradılmasına yönəldilib.
2023-cü ildə Qazaxıstanın "Türk Dövrü" (TURKTIME) şüarı altında başçılıq etməsi də mühüm rol oynayıb, ənənələr, islahatlar, investisiyalar və enerji kimi prioritetləri müəyyənləşdirərək, TDT ölkələrinin həm mədəni, həm də iqtisadi inteqrasiyasını gücləndirib.
E.Batırxanovun sözlərinə görə, iqtisadi inteqrasiya, nəqliyyat və infrastruktur, davamlı inkişaf və rəqəmsal transformasiya sahələri əməkdaşlığın dərinləşdirilməsi üçün ən böyük potensiala malikdir.
Asiya və Avropanı birləşdirən Orta Dəhliz layihəsi, logistika əlaqələrinin möhkəmləndirilməsi baxımından strateji əhəmiyyət daşıyır, həmçinin yaşıl texnologiyalar və bərpa olunan enerji sahəsindəki təşəbbüslər TDT ölkələrinin ekoloji təhlükəsizlik və davamlı inkişaf sahəsindəki iradələrini göstərir.
"Rəqəmsal inteqrasiyaya xüsusi diqqət yetirilir. Yaxın gələcəkdə keçiriləcək zirvə görüşündə müzakirə ediləcək rəqəmsal iqtisadiyyat üzrə tərəfdaşlıq sazişi, mallar və xidmətlərin sərbəst hərəkətini təmin edəcək və kiçik və orta biznes üçün yeni imkanlar yaradacaq", - o qeyd edib.
E.Batırxanovun fikrincə, Bişkekdəki zirvə görüşü, TDT ölkələri arasında siyasi və iqtisadi əlaqələrin dərinləşdirilməsi üçün mühüm bir hadisə olacaq.
O, TDT zirvə görüşlərinin ortaq problemlərin həlli, strategiyaların işlənməsi və tərəfdaşlıq əlaqələrinin möhkəmləndirilməsi üçün vacib bir platforma olduğunu qeyd edib.
"Zirvə görüşü siyasi sabitliyin gücləndirilməsi baxımından mühüm mərhələ olacaq, xüsusən də cari geopolitik vəziyyət nəzərə alındığında. Qazaxıstan, münaqişələrin sülh yolu ilə həlli və diplomatik səylərin gücləndirilməsi üçün vasitəçi konsepsiyasını təklif edib", - o vurğulayıb.
TDT ölkələri üçün əsas çağırışlardan biri qlobal qeyri-sabitlik fonunda iqtisadi təhlükəsizliyin və enerji davamlılığının gücləndirilməsi ehtiyacı olduğunu bildirib.
"Orta Dəhliz layihəsi, infrastruktur inteqrasiyasını möhkəmləndirmək və logistika problemlərinin etmək baxımından həll ola bilər, bu da region ölkələrinin iqtisadi təhlükəsizliyini gücləndirəcək. Bişkek sammitində nəqliyyat əlaqəsinin Yol Xəritəsinin imzalanması bu istiqamətdə mühüm addım olacaq", - o qeyd edib.
Analitik əlavə edib ki, Qazaxıstan TDT-də mühüm rol oynayır və onun Bişkek zirvə görüşündə iştirakı strateji əhəmiyyət daşıyır.
2023-cü ildə ölkə, enerji, ekoloji və rəqəmsal texnologiyalar sahələrində vacib təşəbbüsləri inkişaf etdirərək, türk dünyasında inteqrasiya və hərəkətlərin koordinasiyasına bağlı olduğunu nümayiş etdirib.
E.Batırxanov, Qazaxıstanın davamlı inkişaf sahəsində, o cümlədən Türk Yaşıl Maliyyə Şurasının yaradılması və bərpa olunan enerji mənbələrinin inkişafı ilə bağlı layihələri fəal dəstəklədiyini vurğulayıb.
Eyni zamanda, rəqəmsal inteqrasiyaya böyük əhəmiyyət verilir və Qazaxıstan, “Astana Hub” texnoparkı kimi layihələr vasitəsilə texnoloji infrastrukturunu inkişaf etdirməyə davam edir.