Bakı.Trend:
Hazırda düşmən işğalından azad olunan ərazilərdə vətəndaşlara müasir standartlara cavab verən vergi ödəyicilərinə xidmət mərkəzlərinin açılması istiqamətində tədbirlər görülür.
Bunu Trend-ə açıqlamasında Dövlət Vergi Xidmətinin baş hüquqşünası Şəhriyar Hüseynov deyib.
Onun sözlərinə görə, cari il ərzində Xankəndi şəhərində müasir standartlara cavab verən ilk xidmət mərkəzinin açılışı nəzərdə tutulub.
Qeyd edək ki, hazırda ölkənin müxtəlif şəhər və rayonlarında 60 xidmət mərkəzi fasiləsiz fəaliyyət göstərir.