Bakı. Trend:
Bu ilin yanvar-may aylarında Naxçıvan Muxtar Respublikasında orta aylıq nominal əməkhaqqı 814,4 manat təşkil edib.
Bu barədə Trend Naxçıvanın Dövlət Statistika Komitəsinə istinadən xəbər verir.
Məlumata görə, bu göstərici ötən ilin eyni dövrü ilə müqayisədə 6,1% çoxdur.
Qeyd edək ki, hesabat dövründə muxtar respublikanın büdcə gəlirləri 176,374 milyon manat, büdcə xərcləri isə 164,855 milyon manat təşkil edib. Bu da 2024-cü ilin ilk beş ayındakı göstəriciyə nisbətən müvafiq olaraq 92,6% və 2,9% artım deməkdir.