Bakı. Trend:
Müştəri təcrübəsini daha da təkmilləşdirmək və maliyyə xidmətlərinə əlçatanlığı artırmaq məqsədilə ölkənin aparıcı korporativ maliyyə institutu “PAŞA Bank” yeni təşəbbüslərini davam etdirir.
Belə ki, Bank faktorinq xidmətindən ilk dəfə istifadə edən sahibkarlar üçün xüsusi kampaniya təqdim edir. Kampaniya çərçivəsində sahibkarlar 1 000 000 AZN-dək faktorinq kreditini illik cəmi 10%-dən əldə etmək imkanı qazanırlar.
Yeni təklif bizneslərin dövriyyə kapitalına çevik çıxışını təmin
etməklə yanaşı, nağd vəsait çatışmazlığı riskini də minimuma
endirir. Kreditin onlayn şəkildə rəsmiləşdirilməsi isə prosesi daha
da sürətləndirir - müraciət edən sahibkarların hesabına vəsait 1 iş
günü ərzində köçürülür. Xidmətin təqdim etdiyi üstünlüklər:
- Girovsuz və sürətli maliyyələşmə
- Nağd vəsaitə operativ çıxış
- Dövriyyə kapitalının gücləndirilməsi
- Tam onlayn müraciət və şəffaf proses
Faktorinq məhsulunun bütün üstünlükləri haqqında ətraflı məlumat almaq və onlayn müraciət forması üçün bu linkə keçid alın. Qeyd edək ki, “PAŞA Bank” 2014-cü ildən etibarən ölkədə faktorinq xidmətləri göstərir. Xidmətdən yalnız “PAŞA Bank”ın müştəriləri deyil, ölkədə fəaliyyət göstərən digər hüquqi şəxslər və fərdi sahibkarlar da istifadə edə bilər.
Bank son illər ərzində rəqəmsal bankçılıq və biznes yönümlü xidmətlər sahəsində mühüm uğurlara imza atıb. Bu nailiyyətlər “PAŞA Bank”ın KOS-lara xüsusi diqqət yetirən müştəriyönümlü yanaşmasının, rəqəmsallaşmaya əsaslanan inkişaf strategiyasının və bizneslər üçün optimallaşdırılmış innovativ həllərinin bariz nümunəsidir. 2025-ci ilin “CustomerFirst” ili elan olunması isə bu yanaşmanın strateji əsasda davam etdirildiyini və müştəri məmnuniyyətinin Bank üçün əsas prioritet olduğunu bir daha təsdiqləyir. Rəqəmsal imkanlar vasitəsilə sahibkarlara təqdim edilən çevik və etibarlı maliyyə həlləri ölkənin iqtisadi inkişafına, qeyri-neft sektorunun güclənməsinə və rəqabət qabiliyyətinin artırılmasına mühüm töhfə verir.