...

Azərbaycanın sığorta şirkəti "Standard & Poor’s"dən beynəlxalq reytinq almağı planlaşdırır

Biznes və iqtisadiyyat xəbərləri Materials 15 Sentyabr 2007 13:46 (UTC +04:00)

Trend-i buradan izləyin

Azərbaycan, Bakı / Trend , müxbir Ü.İsmayılova/ "Azsığorta" sığorta şirikətinin baş direktor müavini Xəyal Məmmədxanlının verdiyi məlumata görə, Azərbaycanın "Azsığorta" sığorta şirkəti "Standard & Poor's"dən beynəlxalq reytinq almağı planlaşdırır və bu reytinq şirkəti ilə Azərbaycanın heç bir şirkəti işləmir.

"Standard & Poor's" kredit risklərinin qiymətləndirilməsi, dünyanın maliyyə bazarı üçün analitik və sorğu materiallarının nəşr edilməsi üzrə müstəqil, yüksək keyfiyyətli xidmətlərin təqdim olunması sahəsində dünya lideri kimi tanınır.

"Azsığorta" reytinqin əldə edilməsi üçün hazırlıq işləri görür" - deyə Məmmədxanlı bildirib.

Onun sözlərinə görə, şirkət reytinqi 2009-cu ildə almağı planlaşdırır.

Şirkətin planlarından danışaraq baş direktor müavini bildirib ki, il ərzində şirkət mülkiyyət formasını SC-dən QSC-yə dəyişmək, o cümlədən nizamanamə kapitalını xeyli artırmaq niyyətindədədir. O, kapitalın nəzərdə tutulan həcmini açıqlamayıb.

"Azsığorta" sığorta şirkətinin portfelini Məmmədxanlının sözlərinə görə, əsasən əmlakın yanğından sığortası, avtomobillərin, aviasiya kreditlərinin sığortası təşkil edir.

"Azsığorta" səkkiz şəhər və rayonda (Xaçmaz, Gəncə, Qəbələ, Şəki, Yevlax, Əli Bayramlı, Lərkəran, Sumqayıt) filiala, həmçinin müxtəlif rayonlarda 40 nümayəndəliyə malikdir.

Xəbər lenti

Xəbər lenti