...

"UniLeasing" QSC iyul-sentyabr ayları ərzində həyata keçirilən fəaliyyətin yekunlarını açıqlayıb

Biznes və iqtisadiyyat xəbərləri Materials 16 Oktyabr 2007 13:15 (UTC +04:00)

Azərbaycan, Bakı / Trend müxbir Ü.İsmayılova/ "UniLeasing" QSC-nin məlumatında bildirir ki, lizinq şirkəti iyul-sentyabr aylarında həyata keçirilən fəaliyyətin yekunlarını aparıb.

Şirkətin lizinq portfeli hesabat dövrü ərzində 21,3 mln. manat təşkil edib. Üçüncü rübdə portfelin artımı 20% təşkil edib.

"UniLeasing" 82 müştəri ilə dəyəri 6 mln. manatdan çox olan 92 müqavilə imzalayıb.

Oktyabrın əvvəlində şirkətin imzaladığı müqavilələrin ümumi sayı 360, şirkətin müştərilərinin ümumi sayı isə 222-dən çox olub. Hesabat dövrü ərzində lizinq obyektlərinin sayı dəyəri 33 mln. manat olmaqla 832 vahid təşkil edib.

Üçüncü rübə 7,2 mln. manat dəyərində planlaşdırılan satış 106% artılaması ilə həyata keçirilərək 7,6 mln. manat təşkil edib.

Lizinq müqavilələri üzrə orta faiz dərəcəsi 19,4% təşkil edib. İyul-sentyabr aylarının yekunlarına əsasən ən yaxşı göstəricilər "Nəqliyyat" sektorunda qeydə alınıb. Hesabat dövrü ərzində bu seqmentdə ümumi dəyəri 1,5 mln. manat olan 12 müqavilə imzalanıb ki, bu da "Fiziki şəxslər üçün nəqliyyat vasitələrinin lizinqi" layihəsinin uğurla həyata keçirilməsi ilə bağlıdır.

"UniLeasing" QSC ilin sonuna qədər lizinq portfelinin göstəricisini 25 mln. manata çatdırmağı planlaşdırır.

Xəbər lenti

Xəbər lenti