Azərbaycan, Bakı / Trend , müxbir U.İsmayılova/ Azərbaycanın Nazirlər Kabineti istənilən nəqliyyat formasında təhlükəli yük daşımaları ilə məşğul olan şəxslərə lisenziya verilməsi qaydalarına edilən dəyişikliyi təsdiq edib.
Təhlükəli yüklərin daşınmasına dair lisenziya verilməsi qaydaları Azərbaycan prezidentinin 2006-ci il 29 dekabr tarixli fərmanı ilə təsdiq olunub.
Qanuna edilən dəyişikliyə müvafiq olaraq, lisenziya alan şəxs xüsusi təhsilə malik olmalı, normativ-texniki sənədlər və daşınacaq təhlükəli yükün (Maye və təbii qaz) siyahısını, həmçinin, bədbəxt hadisə zamanı fəaliyyət planını təqdim etməlidir.
Qərar oktyabrın 25-dən qüvvəyə minib.
