Azərbaycan, Bakı/ Trend , müxbir Ü.İsmayılova/ Azərbaycan estoniyalı investorları ölkənin qeyri- neft sektorunda əməkdaşlığa dəvət edib. Bunu bazar ertəsi Azərbaycan -Estoniya biznes- forumunda Azərbaycanın iqtisadi inkişaf naziri Heydər Babayev bildirib.
"Müzakirələr zamanı Estoniya nümayəndə heyəti bildirib ki, ölkəyə investisiya qoymaqda gecikiblər. Lakin mən onları inandırdım ki, biz ölkəyəı investisya qoyuluşunu, xüsusilə qeyri nehft sahəsinə investisya qoyuluşunu alqışlayırıq",-deyə nazir bildirib.
Babayev bildirib ki, Estoniya nümayəndə heyəti Azərbaycana, əsəsən, daşınmaz əmlak, ticarət və energetika sahələrində əməkdaşlıq təklif edib.
Bazar ertəsi Bakıda keçirilən Azərbayan -Estoniya biznes- forumunda 70 Azərbaycan və 70 Estoniya şirkəti iştirak edib.
Dövlət Statistika Komitəsinin məlumatlarına əsasən, yanvar-sentyabr aylarında Azərbaycan iqtisadiyyatına beynəlxalq təşkilatlar və xarici ölkələr tərəfindən qoyulan innvestisiyaların 95,8 faizi Böyük Britaniya, ABŞ, Yaponiya, Norveç, Türkiyə, Səudiyyə Ərəbistanı, Çexiya və İranın payına düşüb.
