Azərbaycan, Bakı / Trend müxbir U.İsmaylova/ Azərbaycanın A QROUP sığorta şirkəti cari ilin sonuna qədər yığımları 6 mln. manata qədər çatdırmağı planlaşdırır. Bu barədə bazar ertəsi şirkətin idarə heyətinin sədri Anar Bayramov məlumat verib.
Yanvar-fevral ayları ərzində şirkətin sığorta haqları 4,37 mln. manat, sığorta ödəmələri isə 1,45 mln. manat təşkil edib.
Bayramovun sözlərinə görə, ilin sonuna qədər şirkət həmçinin nizamnamə kapitalını 500 min. manat həcmində artıraraq 2 mln. manata qədər çatdırmaq niyyətindədir.
1995-ci ildən Azərbaycanın sığorta bazarında fəaliyyət göstərən A QROUP 19 formada sığorta xidməti təklif edir ki, bunun da ikisi məcburidir.