Azərbaycan, Bakı / Trend , müxbir S.Babayeva/ Dövlət Statistika Komitəsindən verilən məlumata görə, yanvar-oktyabr ayları ərzində Azərbaycanda pambıq yığımı 86 min ton təşkil edib. Bu, ötən ilin analoji dövrünün göstəricisindən 29 min ton azdır.
Pambıq istehsalının aşağı düşməsi , əlverişsiz hava şəraiti üzündən əkin sahəsinin 25 min hektar azalması ilə əlaqədardır.
Ölkənin əsas pambıqçılıq regionlarında --- Saatlıda 12 min tondan çox, İmişlidə 7 min tondan çox, Sabirabadda 5 min tondan çox, Biləsuvarda 6 mindən çox, Bərdədə 4 min tondan çox, Beyləqanda 4 min tondan çox pambıq yığılıb.
Azərbaycanda pambıq 21 rayonda -- Salyan-Muğan, Qarabağ və Şirvan iqtisadi rayonlarında yetişdirilir.
2007-ci ildə Azərbaycanda pambıq istehsalı proqnozu 76 min hektar əkin sahəsində 100 min ton səviyyəsində müəyyən olunub.
2006-cı ildə Azərbaycanda, hektarın məhsuldarlığı 13 sentner olmaqla, 103 min ton pambıq istehsal olunub.
