Azərbaycan, Şəki / Trend , müxbir E.Quliyev/ Azərbaycanda respublikanın ən uzun körpüsünün tikintisinə başlanılıb. 1266 metr uzunluğunda olacaq körpü Şin çayı üzərində inşa olunur.
Tikintinin iş icracısı Xalid Rəsulovun verdiyi məlumata görə, respublikada ən uzun körpu olacaq bu körpünun tikintisinə dəfələrlə cəhd olunsa da, Şin cayının dağıdıcı gücü işlərin dayandırılmasına səbəb olub.Iş icracısı 1266 metr uzunluğunda, 17 metr enində olacaq körpünün şəhər mərkəzindən 30 km şimalda İncə kəndi ilə Aşağı Göynük kəndlərini birləşdirəcəyini qeyd etdi. Bununla da 18 yaşayış məntəqəsinin yolu 10 kilometrə qədər azalacaq.Yeni körpü Qax-Zaqatala turizm marşrutu ücün də əlverişli olacaq. Rəsulovun bildirdiyinə görə, tikinti nəqliyyat nazirliyinin vəsaiti hesabına aparılır. Körpünün 2009-cu ilin sonunda təhvil verilməsi planlaşdırılır.
Şəki respublikanın şimal-qərbində, paytaxtdan 352 km məsafədə yerləşir.
