Azərbaycan, Bakı / Trend , müxbir A.Bədəlova/ Azərbaycan Dövlət Xəzər Dəniz Gəmiçiliyinin rəhbəri Aydın Bəşirovun məlumata görə, idarə 27 gəminin Rusiyanın daxili sularından keçməsi üçün icazə
almaq niyyətindədir. Bu icazədən 2008-ci ilin naviqasiya dövründə Qara və Xəzər dənizlərində işləyən KASPAR gəmilərinin Volqa-Don kanalından keçməsi üçün istifadə edilməsi nəzərdə tutulur.
Hazırda Azərbaycan gəmilərinin Rusiya sularından keçməsinə icazənin verilməsi ilə bağlı vəziyyət dəyişməz olaraq qalır. Belə ki, bir gəmi yalnız bir dəfə Xəzərə keçə, birbaşa olaraq Qara dənizə, daimi iş yerinə qayıda bilər. Bu problemlərin həlli üçün Rusiyanın normativ aktlarına dəyişikliklər etmək lazımdır.
2007-ci ildə gəmiçilik idarəsi Rusiya hökumətindən 28 icazə alıb. Lakin alınmış icazələrə baxmayaraq, Azərbaycan RF-nin daxili sularından keçid üçün uzunmüddətli razılıq imzalanacağına ümid edir. Bu məsələnin həlli üçün Rusiya təkcə Dəniz Məcəlləsinə deyil, mövcud qanunvericiliyə də dəyişikliklər etməlidir.
