Azərbaycan, Bakı / Trend , müxbir İ.Xəlilova / Cümə axşamı AMB-nin Kredit Təşkilatlarının Fəaliyyəti Üzərində Nəzarət departamentinin direktoru Adışirin Qasımovun verdiyi məlumata görə, Azərbaycan Milli Bankının idarə heyəti Almaniyanın "Commerz Bank" bankının nümayəndəliyinin açılışına icazə verilməsinə dair qərar qəbul edib.
Qasımovun sözlərinə görə, bu , nüfuzlu xarici banklardan AMB-yə daxil olan yeganə müraciətdir. Bu arada Amerikanın "City Bank" bankı nümayəndəlik açmaqda, Fransanın "Societe General", Rusiyanın "VneshtorgBank" bankı yerli banklarda iştirak əldə etməkdə maraqlı oldğunu bildirib.
Qazaxıstanın "Bank TuranAlem" və "Xalık Bank" bankları da Azərbaycanın maliyyə bazarına daxil olmağa maraqlılırlar. "Bank TuranAlem" Azərbaycanda filial açmaq, "Xalık Bank" isə, bankın, sığorta şirkətinin və digər maliyyə institutlarının əldə edilməsi yolu ilə bazara daxil olmağı planlaşdırır. Latviyanın Azərbaycanda nümayəndəlik şəklində fəaliyyət göstərən "Parex Bank" bankı statusunu dəyişmək niyyətini bəyan edib. Lakir onlar AMB-yə bu barədə rəsmi müraciət etməyiblər.