...

Azərbaycanın iri metallurgiya müəssisəsi istehsal olunan məhsulların ixracını bərpa edib

Biznes və iqtisadiyyat xəbərləri Materials 29 Noyabr 2007 13:44 (UTC +04:00)

Azərbaycan, Bakı / Trend S.Babayeva/ Cümə axşamı "Baku Steel Company" (BSC) şirkətindən verilən məlumata görə, Azərbaycanın iri metallurgiya müəssisəsi olan şirkət İrana ixracı bərpa edib. Qeyd edək ki, ixracın dayandırılması iki il bundan əvvəl yerli bazarda şirkətin məhsullarına tələbatın artması ilə bağlı olub.

"Hazırda bizim məhsulu qonşu ölkələrə, eləcə də İrana ixrac etmək imkanlarımız var" - deyə mənbə bildirib.

Bu, BSC-nin məhsullarına yerli bazarda olan tələbatın kəskin olaraq aşağı düşməsi nəticəsində mümkün olub.

BSC-dən ixrac müqaviləsinin həcmi və dəyəri barədə təfərrüatı açıqlamayıblar.

2005-ci ildə ixracın dayandırılmasından sonra müəssisə məhsulunu az həcmdə Rusiya və Gürcüstana ixrac edib.

Şirkətdən bildiriblər ki, Türkmənistan və Qazaxıstana ixrac imkanları da nəzərdən keçirilir.

Ölkənin iri vergi ödəyicilərindən biri olan BSC-nin istahsal gücü bir ildə 350 min ton, işçilərinin sayı isə 2 min nəfərdir.

Xəbər lenti

Xəbər lenti