Azərbaycan, Bakı/ " TrendCap ", müxbir Ü.İsmayılova/ Yanvar-noyabrda Azərbaycan əhalisinin gəlirləri 12.3 mlrd manat təşkil edib. Adambaşına düşən gəlir 1462 manatdır. Bu barədə cümə günü Azərbaycanın Statistika üzrə Dövlət Komitəsinin rəhbəri Arif Vəliyev məlumat verib. Muzdlu işçilərin gəlirləri 39.7% artıb. Vergilər və üzvlük haqqları çıxıldıqdan sonra, əhalinin gəlirləri 41% artıb və 11 mlrd. manat təşkil edib. Beləliklə, adambaşına 1305 manat düşüb. Orta aylıq əmək haqqı yanvar-noyabr ayları ərzində 199 manat, muzdlu işçilərdə 215 manat təşkil edib. Bu,2006-cı ilin analoji göstəricisindən 43% çoxdur.
...
