Azərbaycan, Bakı / Trend , müxbir İ.Xəlilova / Asiya İnkişaf Bankı Azərbaycan Beynəlxalq Bankı ilə gələcək əməkdaşlıq perspektivlərini müzakirə etməyə hazır olduğunu bildirib və banka 40 mln. dollar kreditin ayrılmasını təsdiq edib. AİB-in kapital bazarlarında əməliyyatlar üzrə divizionunun direktoru Vilyam Uilyamsın cümə günü ABB ilə ilk müqavilənin imzalanması mərasimində bildirib ki, ilk müqavilə 20 mln. dollar məbləğində imzalanıb, lakin bankın tələbatının artdığı və vəziyyətin dəyişdiyi təqdirdə, qalan vəsaitlər də ayrıla bilər.
"Bizim bank bir müştəriyə ayrılan vəsaitlərin limitini aşmadan, kreditin bir hissəsini digər unikal layihələrin rellaşması üçün nəzərdə tutub, lakin bu, yenidən qiymətləndirmə və ABB ilə münasibətin dəyişməsi ilə bağlı deyil" - deyə Uilyams bildirib.
AİB nümayəndəsinin sözlərinə görə, AİB ABB-ni potensial bank kimi qiymətləndirib və bankla əməkdaşlıqda maraqlıdır. AİB-in planlarına ABB vasitəstilə daha unikal bank məhsullarırın tətbiqi daxildir və bu, öz növbəsində, fəaliyyətini gücləndirmək və lider mövqeyini qoruyub saxlamağa banka imkan verəcək.
ABB-nin idarə heyətinin sədr müavini Vaqif Əkbərov hesab edir ki, AİB-lə gələcək əməkdaşlıq perspektivləri bankın 2008-ci il büdcəsinin təsdiqindən sonra müəyyən olunacaq və büdcə çərçivəsində. xarici borclara bağlı planlar da müəyyən olunacaq. 2007-ci ildə Azərbaycan Beynəlxalq Bankı xarici mənbələrdən 350-400 mln. dollar borc götürüb.