Azərbaycan, Bakı, 9 yanvar/ Trend müxbir İ.Xəlilova/ Azərbaycan hökuməti Milli Banka əlavə dəyər vergisinin (ƏDV) ödəmələrinin toplanacağı depozit hesabları üzrə bank əməliyyatlarının uçotu üzrə səlahiyyətlər təqdim edib.
Hökumətdən bildiriblər ki, bu səlahiyyətlər Nazirlər Kabineti tərəfindən təsdiq edilən alınmış malların dəyərindən və vergi ödəyicisinin vergi hesab-fakturası xidmətləri əsasında dövlət büdcəsinə ƏDV-nin ödənilməsi, ƏDV-nin depozit hesabında uçotun aparılması, ƏDV-nin hərəkəti, bu hesab üzrə aparılan əməliyyatlardan ƏDV-nin əvəzləndirilməsi və dövlət büdcəsinə köçürülməsi qaydalarına müvafiq olaraq təqdim edilib. Milli Bank ƏDV üzrə ödəniş sistemləri vasitəs ilə alınmış məlumatları Vergilər Nazirliyinin Avtomatlaşdırılmış Vergi İnformasiya Sisteminə ötürəcək.
Bu qayda 2008-ci il yanvarın 1-dən tətbiq edilib. Qaydalara müvafiq olaraq, Azərbaycanın Baş Dövlət Xəzinədarlığında ƏDV-nin depozit hesabı açılır. ƏDV sub-uçot hesabı isə, vergi ödəyiciləri tərəfindən mədaxil olunan məbləğlərin uçotu üçün Vergilər Nazirliyində açılan uçot vərəqələri əsasında aparılacaq. Xəzinədarlıq və bank arasında qarşılıqlı münasibətlər müqavilə əsasında nizamlanacaq.
Dövlətin iştirakının 50%-dən az olmadığı hallarda malların alışı həyata keçirilərkən, təşkilatlarla iş və xidmətlər zamanı ƏDV gəlirləri depozit hesabına keçiriləcək. Depozit hesabına dövlət büdcəsi qarşısında borcu olan vergi ödəyiciləri tərəfindən ƏDV-nin alınması nəzərdə tutulur.
Xəzinədarlıqda №14001 vahid depozit hesabı açılıb. Hesabın rekvizitləri aşağıdakılardır: Baş Dövlət Xəzinədarlığı, kod 210027, VÖEN 1400108191, müxbir hesabı 0132030004944.