Azərbaycan, Bakı, 11 yanvar/ " müxbir İ.Xəlilova, A. Bədəlova/ Azərbaycanın İqtisadi İnkişaf Nazirliyi Azərbaycanda kiçik və orta sahibkarlığın inkişafı yeni Dövlət Proqramının reallaşdırılması müddəti və tədbirlərinə yenidən baxıb. Bu barədə cümə günü iqtisadi inkişaf nazirinin müavini Niyazi Səfərov məlumat verib.
"Ötən ilin sonunda nazirlik Proqrama yenidən baxıb və ona müəyyən düzəlişlər edib. Proqramdakı məsələlərin bir hissəsi öz aktuallığını itirdiyindən, proqramdan çıxarılıb və yaxın günlərdə o, Nazirlər Kabinetinə təqdim ediləcək" - nazir müavini bildirib.
Onun sözlərinə görə, Dövlət Proqramı beş ilə nəzərdə tutulub və 2008-2013-cü illəri əhatə edəcək. Əvvəllər Proqram 2007-12-ci illəri əhatə etməsi nəzərdə tutulmuşdu.
Dövlət Proqramının təsdiqinin ləngiməsi beynəlxalq ekspertiza ilə bağlı olub. Təkliflər ABŞ-ın Beynəlxalq İnkişaf Agentliyi (USAİD) , Beynəlxalq Maliyyə Korporasiyası (İFC) və digər təşkilatlar tərəfindən təqdim edilib. Almaniya Texniki Yardım Cəmiyyəti (GTZ) Azərbaycan-Amerika Ticarət-Sənaye Palatası (AMCHAM) , DB və TACİS-in koordinasiya bürosu proqramı bəyəndiklərini və Dövlət Proqramı imzalandıqdan sonra , onun hər bir bəndi üzrə sonrakı danışıqlarda iştirak etməyə hazırlıqlarını bildiriblər. DB öz təkliflərində Dövlət Proqramının ayrı-ayrı bəndləri üzrə texniki yardım göstərməyə və konkret layihələrin maliyyələşdirilməsinə hazır olduğunu bildirib.
Sənəddə kiçik və orta sahibkarlıq sahəsində qanunvericilik bazasının yaxşılaşdırılımasından tutmuş, qeyri-maliyyə köməyi göstərilməsi, maliyyə rıçaqlarının tətbiqi, biznes-infrastrukturun yaradılması (sənaye şəhərciklərinin, biznes-inkubatorların) istehsal olunan məhsulun keyfiyyətinin artırılması, ixrac rıçaqlarının tətbiqinədək məsələlərə toxunulub. Bundan əlavə, sənədə, indikindən fərqli olaraq, əvvəllər Azərbaycan üçün böyük hesab edilən orta biznes anlayışı daxil edilib.
2002-05-ci illərə hesablanmış əvvəlki dövlət proqramı ilə müqayisədə yeni proqram daha zəngindir. Proqram sonrakı mərhələdə kiçik və orta sahibkarlıqlar iş üzrə nazirliyin şöbəsi üçün strategiya ola bilər.
