Azərbaycan, Bakı, 21 yanvar / Trend , müxbir İ.Xəlilova / Yanvarın 28-dək Azərbaycan hökuməti Dünya Bankı (DB) ilə ölkədə dəmir yolu və ticarət tranziti üzrə, ümumi dəyəri 673,8 mln. dollar olan yardım layihəsi çərçivəsində, rəsmi danışıqlar aparmağı planlaşdırır. Bu barədə Nazirlər Kabinetindən məlumat verilib.
Layihənin reallaşdırılması məqsədilə, Beynəlxalq Yenidənqurma və İnkişaf Bankının (Dörd illik güzəşt dövrü ilə 20 illik kredit verilmə müddətinə) şərtləri üzrə DB 450 mln. dollar kredit ayracaq. Yerdə qalan hissə Azərbaycan hökumətinin payına düşəcək.
Alınan vəsait, qismən (235 mln. dollar) dövlət büdcəsi hesabına, 215 mln. dollar Azərbaycan Dövlət Dəmir Yol İdarəsinin şəxsi vəsaiti hesabına ödəniləcək.
Vəsaitin tərkib hissəsi (90 faizi) Azərbaycanın dəmir yol infrastrukturunun inkişafına, qalan 10 faiz isə, daxili və beynəlxalq ticarətə yönəldiləcək.
Layihə iki komponentdən ibarətdir. İlkin olaraq, dəmir yolu təsərrüfatı və Bakıdan Gürcüstan sərhəddinədək dəmir yolu hissəsinin bərpası, 3,3 kV-lıq daimi cərəyandan 25 kV-lıq dəyişən cərəyana keçid, elektrik təchizatına keçidlə əlaqədar siqnal sistemlərinin dəyişdirilməsi nəzərdə tutulub.
İkinci komponent çərçivəsində, 50 elektrik lokomotivinin əldə edilməsi, üçüncü - Dəmir Yolu İdarəsinin modernləşdirilməsi və fəaliyyətinin bazar iqtisadiyyatı tələblərinə yaxınlaşdırılması nəzərdə tutulub. Hökumətdə artıq İdarənin Səhmdar Cəmiyyətə dəyişdirilməsi məsələsinə baxılır.
Layihə dörd illiyə nəzərdə tutulub.
DB qrantı hesabına məsləhətçi Pabeco/Feneka/Sulaco marketinq planı hazırlayıb..
Bu layihə ümumi dəyəri 1,252 mlrd. manat olan Azərbaycanın dəmir yolu infrastrukturunun (2007-2012 illər) təkmilləşdirilməsi üzrə Dövlət Proqramı çərçivəsində reallaşdırılacaq.