Azərbaycan, Bakı, 04 fevral / müxbir İ.Xəlilova/ Azərbaycana üçillik yardım strategiyasının (2007-2010 illər) reallaşdırılması üçün fevralın 5-dən Dünya Bankının aparıcı iqtisadçısı Kristian Pitersenin Bakıya səfəri başlayır. Bu barədə bazar ertəsi DB-nin Bakı nümayəndəliyindən məlumat veriblər.
Fevralın 15-dək davam edəcək səfərin gedişində hökumətlə mövcud stragetiyanın yenilənməsi imkanları müzakirə ediləcək. Belə ki, ötən strategiya üzrə kvotadan istifadənin 2008-ci ilin birinci yarısının sonunadək bitirilməsi üzrə hazırlıq gedir. Mövcud strategiya $1,26 mlrd. qiymətləndirilir.
Hazırda 12 layihə üzrə iş gedir. Onların maliyyələşdirilməsi kvotanı tam mənimsəməyə imkan verəcək. Layihələrdən altısı Beynəlxalq İnkişaf Assosiasiyasının Azərbaycan üçün sonuncu kvotası çərçivəsində, güzəştli şərtlərlə maliyyələşdiriləcək. Sonuncu kvotanın həcmi $131 mln.-dır.
Güzəştli maliyyələşdirməyə məcburi köçkünlərin sosial şəraitinin yaxşılaşdırılması, kənd investisiyaları, maliyyə sektorunun təkmilləşdirilməsi, korporativ və dövlət sektorlarında hesabatlılıq (CAPSAP), təhsil sistemində islahatlar və sosial təminata kömək layihələri daxildir.
Digər altı layihə isə (dəmir yolu üzrə nəqliyyatın və ticarətin inkişafı, avtomagistralların və dairəvi yolun yenidən qurulması, su təchizatı sisteminin təkmilləşdirilməsi, ətraf mühitin təmizlənməsi), Beynəlxalq Yenidənqurma və İnkişaf Bankı xətti ilə maliyyələşdiriləcək. Buna baxmayaraq, su layihəsinə BAİ xətti ilə vəsait ayrıla bilər.
Azərbaycanın DB-nin yeni Yardım Proqramı üzrə bankın yalnız kommersiya ehtiyatlarına çıxışı olacaq.