Azərbaycan, Bakı, 05 fevral / Trend , müxbir İ.Xəlilova / Dörd il ərzində Azərbaycan iqtisadiyyatında dövlət investisiyaları 2007-ci ilin yekunu üzrə 22 dəfə artaraq 1,904 mlrd. manat təşkil edib. Bu barədə çərşənbə axşamı Maliyyə Nazirliyindən məlumat verilib.
"Kapital yatırımının artması son illərdə büdcə xərclərinin artması ilə bağlıdır. Bu, prioritet sosial yönümlü infrastrukturun yaradılması və yenidən qurulması, mədəniyyət və idman sahəsində layihələrin maliyyələşdirilməsinə imkan verib" - deyə Maliyyə Nazirliyindən bildiriblər.
Ötən il sosial yönümlü layihələrə 382 mln. manat, təhsil sahəsində obyekt tikintisi və təmirinə 93 mln. manat (Milli Konsevatoriyanın tikintisi - 2,1 mln. manat, Xalq Təhsil Muzeyi - 1,1 mln. manat, Pedaqoji İnstitutun əsaslı təmiri - 2 mln. manat, 2006-07-ci illərdə Bakı qəsəbələrinin sosial-iqtisadi inkişafının sürətləndirilməsi üzrə tədbirlərə - 26,1 mln. manat və. s), səhiyyə sahəsinə isə - 59,4 mln. manat (Elmi-Tədqiqat Oftomotologiya İnstitutu - 12 mln. manat, Kliniki Tibbi Mərkəzdə avadanlıqların alınması və təmiri - 19,1 mln. manat, Respublika Doğum Evi - 4 mln. manat, Ankoloji Elmi Mərkəz - 12,7 mln. manat) investisiya yatırılıb.
Büdcə vəsaitləri hesabına mədəniyyət və turizm obyektlərinin tikintisi və təmiri həyata keçirilib və ayrılan 67,5 mln. manat hesabına isə beş teatr və dörd muzey bərpa olunub.
Ötən il infrastruktur layihələrinə 863,4 mln. manat yönəldilib. Onlardan yol-nəqliyyat infrastrukturunun yenidən qurulmasına 328,1 mln. manat, ölkənin enerji təhlükəsizliyi və regionların qaz və elektrik enerjisi ilə təmin edilməsi üçün iki modul stansiyanın tikintisinə 79,8 mln. manat, 10 mln. manat - paylayıcı elektrik şəbəkəsinin bərpasına, 21 mln. manat Lerik, Yardımlı və Ağcabədi rayonlarının qazlaşdırılmasına ayrılıb.
2007-ci ildə meliorativ işlərin yerinə yetirilməsinə, meliorasiya və su təsərrüfatı obyektlərinin, içməli su təminatı və kanalizasiya sistemlərinin tikintisi və təmirinə 134,6 milyon manat vəsait yönəldilib.