Azərbaycan, Bakı, 06 fevral/ " müxbir İ.Xəlilova/ Azərbaycanın İqtisadi İnkişaf Nazirliyi Fransanın sement istehsalçısı Lafarge-yə ölkədə sement zavodunun tikintisinədək Qobustandakı yataqlarda geoloji kəşfiyyat işləri aparmağı təklif edib. Bu barədə çərşənbə günü iqtisadi inkişaf naziri Heydər Babayev məlumat verib.
Zavodun açılması haqqında qərara gəlməzdən əvvəl onlara ən azı 100 mln. ton gil və əhəngdaşı ehtiyatının olması lazımdır. Lafarge-nin zavodu tikmək istədiyi Qaradağ rayonunda 100 mln. ton ehtiyata malik yataqlar yoxdur və buna görə, Qobustandakı yataqları öyrənmək təklif edilib", - nazir bildirib.
Ölkənin İqtisadi İnkişaf Nazirliyinin İnvestisiyalar və Texniki Yardımın Koordinasiyası üzrə şöbəsinin rəhbəri Əsgər Ələkbərovun sözlərinə görə, Lafarge-nin kəşfiyyat işlərinə başlamaq üçün hazırda Azərbaycan tərəfindən Qobustanda ehtiyatların olması haqqında məlumatın təsdiqlənməsini gözləyir. Şirkət Qobustandakı yataqların ehtiyatından istifadə etməklə, Qaradağda sement istehsalı üzrə sonrakı işlərin aparılmasının texniki və hüquqi imkanlarına əmin olmaq istəyir.
Onun sözlərinə görə, Lafarge-nin əsas şərti sement zavodunun Bakıdan 100- 150 km. məsafədə tikilməsidir. Belə ki, sementin, tikinti materiallarının əsas istifadə bazarı Bakı və Abşerondur və bu halda, müvafiq olaraq, bu gün ölkədə əsas sement istehsalçısı Garadagh Cement zavodu ilə rəqabət mövcuddur.
Lafarge-nin digər problemi Bakının Qaradağ rayonundakı daş karxanalarının işlədiyi "Güzdək" yatağında lazımi ehtiyatların az ola biləcəyidir. Digər tərəfdən, İİN-nin proqnozlarına görə, cüzi ehtiyatlar Qobustanda var. Lakin orada təsdiq edilmiş ehtiyatlar yoxdur və buna görə, geoloji kəşfiyyat işlərinin aparılması vacibdir.
"Bu işlər üzrə xərclər Lafarge və onun layihə üzrə tərəfdaşı Azərbaycan İnvestisiya Şirkətinin üzərinə düşür", - Ələkbərov bildirib.
Sement zavodu üçün Lafarge-yə 90 mln. ton gil və əhəngdaşı lazımdır.
Layihə əvvəllər Qazax rayonunda tikintisinin planlaşdırılması nəzərə alınmaqla, ilkin olaraq, 100-150 mln. avro qiymətləndirilirdi. Zavodun istehsal gücü 1 mln. ton olacaq. Layihədə Azərbaycan İnvestisiya Şirkətinin 20 faiz səviyyəsində iştirakı gözlənilir. Qalan vəsait Lafarge-nin hesabına təmin ediləcək.