Azərbaycan, Bakı, 11 fevral/ " , müxbir Ü.İsmayılova/ Azərbaycanın Daşınmaz Əmlakın Dövlət Reyestri Xidməti "daşınmaz əmlakın vahid kadastrı sistemi"nin reallaşdırılması çərçivəsində daşınmaz əmlakın qeydiyyatı layihəsinə başlayıb. Bu barədə bazar ertəsi dövlət xidmətinin rəhbəri Arif Qaraşov məlumat verib.
Azərbaycan hökuməti və Dünya Bankı (DB) 2007-ci ilin iyulunda daşınmaz əmlakın vahid kadastrı sisteminin birgə aparılması haqqında saziş imzalayıblar. Layihə dörd komponentdən - daşınmaz əmlakın qeydiyyatı, dövlət əmlakının idarə edilməsi və reyestri, baza xəritəçəkmə və torpaq kadastrı, treninqlər, siyasətin formalaşdırılması və layihənin idarə edilməsindən ibarətdir. Layihənin dəyəri $38,57 mln. təşkil edir və bunun $30 mln. DB kreditinin payına düşür. Kredit ehtiyatları beş il güzəştli dövr olmaqla 20 il müddətinə ayrılıb.
Yanvarda Almaniyanın inkişaf bankı KfW Azərbaycanın Daşınmaz Əmlakın Dövlət Reyestri Xidməti ilə daşınmaz əmlakın qeydiyyatı və kadastrının vahid sisteminin yaradılması çərçivəsində Anlaşma protokolu imzalayıb.
Qaraşovun sözlərinə görə, artıq yazdan başlayaraq seçilmiş iki pilot rayonunda (Gəncə və Şəki) alman mütəxəssisləri işləməyə başlayacaqlar.
"Əlverişli hava şəraitinin başlması ilə biz ortfoto çəkilişlər aparacağıq, onların əsasında isə xəritələrin işlənməsi və daşınmaz əmlakın xəritələrdə qeydiyyatı aparılacaq" - Qaraşov bildirib.
Layihənin əsas fazasının reallaşdırılması üçün KfW-ə 30 ay lazımdır. Alman bankı KfW kadastrın yaradılması layihəsinə 2,5 mln. avro güzəştli kredit və benefisiar təşkilatın institusionallaşması üçün 1 mln. avro qrant ayrımağa hazır olduğunu bildirib.