Azərbaycan, Bakı, 11 fevral/ " , müxbir Ü.İsmayılova/ Azərbaycan Milli Bankı bankların kapitallaşmasına normativ tələblərin artırılması imkanlarını hələ ki, nəzərdən keçirmir. Bu barədə bazar ertəsi Azərbaycan Milli Bankının İdarə Heyətinin sədri Elman Rüstəmov məlumat verib.
"Hazırda kommersiya banklarının kapitallaşması prosesi bazar özünütənzimləməsi prinsipi üzrə keçir" - Rüstəmov bildirib.
Bu gün bankların kapitallarının artırılması qrafiki yoxdur. Belə ki, 10 milyonluq sərhədə çatmaq üzrə sonuncu hədd 2007-ci il iyulun 1-də müəyyən edilib, lakin onu da hamı yerinə yetirməyib. İndiyədək kapitalların artırılması qrafiki yarımillik intervalla müəyyən edilib.
Rüstəmov bankların hazırkı artım tempinin ölkənin bank bazarında rəqabətə davam gətirmək üçün yüksək kapitallaşma tələb etdiyini bildirib.
Azərbaycan Milli Bankının məlumatlarına görə, birgə aktivləri 6727,7 mln. manat, kredit yatırımları - 4553,7 mln. manat, əhalinin əmanətləri - 1468,4 mln. manat, bankların birgə kapitalları - 1009,1 mln. manat, pul kütləsi - 3774 mln. manat təşkil edir.
Məqalə müəllifi ilə [email protected] ünvanı ilə əlaqə saxlamaq olar.
