Azərbaycan, Bakı, 11 fevral/ Trend , müxbir İ.Xəlilova/ Azərbaycanın Baş naziri Artur Rasizadə Məcburi Köçkünlərin Sosial Şəraitinin Yaxşılaşdırılması layihəsinin (İDP EDSP) genişləndirilməsi çərçivəsində, Dünya Bankı ilə rəsmi danışıqların nəticələri üzrə protokol imzalayıb. Danışıqlar yanvarın 27-də başlayıb. Bu barədə Bankın Bakı nümayəndəliyindən məlumat veriblər. Bank əlavə maliyyələşdirmə kimi $15 mln. ayırmağa hazırdır. Hökumətin layihədə payı isə, $5 mln. təşkil edəcək.
Nümayəndəlikdən qeyd etdikləri kimi, bank layihəni DB-nin Direktorlar Şurasının təsdiqinə çıxarmağa hazırdır və bu, martdan gec olmayaraq mümkündür.
Əlavə kredit ehtiyatları məcburi köçkünlərin AR-nın Qaçqın və Məcburi Köçkünlərin Sosial İnkişaf Fondu vasitəsilə həyata keçirilən mikrolayihələrinin maliyyələşdirilməsi üçün nəzərədə tutulub. Mikrolayihələr infrastruktur sahəsində və xidmətlər sektorunda - yolların bərpası, elektrik təchizatı, su təchizatı, subartezian quyularının tikintisində həyata keçiriləcək. DB-nin krediti Beynəlxalq İnkişaf Assosiasiyasının (BİA) vəsaitləri hesabına ayrılacaq. 2008-ci maliyyə ilində Azərbaycan BİA xətti ilə sonuncu güzəştli maliyyələşdirmə kvotasını alacaq. Kvotanın ümumi həcmi $131 mln. təşkil edir.
Azərbaycan hökuməti, bunun nəzərə alaraq, bankdan IDP EDSP layihəsi üçün əlavə vəsait istəyib. Əvvəlki kreditin $11,5 mln. məbləğində olub və 2005-ci il fevralın 15-də Bankın Direktorlar Şurasında təsdiq edilib. Vəsait 10 il möhlət olmaqla, 35 ilə, 0,75% dərəcə ilə ayrılıb.
Məqalə müəllifi ilə bu ünvanla əlaqə saxlamq olar: [email protected]
