Azərbaycan, Bakı, 12 fevral/ Trend , müxbir Ü.İsmayılova, İ.Xəlilova/ Dünya Bankının dəmir yolu ilə tranzit və ticarətə yardım layihəsi üçün kredit üzrə ilkin təklifləri Azərbaycanın Nəqliyyat Nazirliyini təmin edir. Layihənin dəyəri $673,8 mln.-dir. Bu barədə çərşənbə axşamı Azərbaycanın nəqliyyat nazirinin müavini Musa Pənahov məlumat verib.
DB layihənin reallaşdırılmasına dörd ili güzəştli olmaqla, 17 ilə və libor+0,05 faiz dərəcəsi ilə $450 mln. kredit təqdim edəcək. Layihənin qalan hissəsi isə, Azərbaycan hökumətinin payı hesabına təmin ediləcək.
Pənahov bankın təklif etdiyi şərtlərin "yumşaq və iqtisadi nötqeyi-nəzərdən sərfəli" olduğunu bildirib. Nazir müavini bildirib ki, vəsaitlər lokomotiv parkının, dəmir yolunun elektrik təminatı sisteminin, yol yatağının, siqnalizasiya sistemi və rabitənin yenilənməsinə sərf ediləcək.
Alınan vəsaitlər hissə-hissə ($235 mln.) dövlət büdcəsi hesabına, $215 mln. İsə, Azərbaycan Dövlət Dəmir Yolu İdarəsinin öz vəsaitləri hesabına geri qaytarılacaq.
Layihəyə üç komponent daxildir. Birinci komponent üzrə dəmir yol təsərrüfatının bərpası, yəni Bakıdan Gürcüstan sərhədinədək dəmir yolu sahəsində 3,3 kV daimi cərəyandan 25 kV dəyişən cərəyana keçid, elektrik təchizatı sisteminə keçidlə əlaqədar olaraq siqnal sisteminin dəyişdirilməsi nəzərdə tutulur.
İkinci komponent çərçivəsində, 50 elektrik lokomotivinin alınması, üçüncü çərçivəsində isə, Dəmir Yolu İdarəsinin fəaliyyətinin təkmilləşdirilməsi və bazar iqtisadiyyatının tələblərinə yaxınlaşdırılması nəzərdə tutulub. Hökumətdə artıq onun Səhmdar Cəmiyyətə çevrilməsi məsələsinə baxılır. Layihə dörd ilə nəzərdə tutulub.
Məqalə müəllifinin ünvanı: [email protected]