...

"Azərboru" SC Azərbaycan Beynəlxalq Bankının kreditlərini təkrar rəsmiləşdirib

Biznes və iqtisadiyyat xəbərləri Materials 13 Fevral 2008 16:37 (UTC +04:00)

Azərbaycan, Bakı, 13 fevral / Trend , müxbir İ.Xəlilova / "Azərboru" Səhmdar Cəmiyyəti (Sumqayıt boru-prokat zavodu), keçmiş səhmdarı - Britaniyanın "Targol Investment" şirkətinin Azərbaycanın Beynəlxalq Bankından müəssisə istehsalının inkişafına cəlb etdiyi krediti uzunmüddətli kreditə təkrar rəsmiləşdirib, - zavodun Baş direktoru Əzim Əzimov deyib.

Onun sözlərinə görə, ABB-dən həmçinin $8,5 mln. dəyərində dövriyyə vəsaitinə əlavə kredit cəlb olunub.

Bankla razılığa əsasən, birinci borcun qaytarma müddəti həmçinin təxirə salınıb və "Azərboru" dörd-beş il ərzində tam hesablaşmaq niyyətindədir.

"Targol", $6,9 mln. məbləğində kredit almaq üçün müəssisədən girov qismində istifadə edib, məbləğin $1 mln.-u artıq qaytarılıb.

"Targol Investment" zavodu investisiya müsabiqəsi vasitəsilə özəlləşdirib, lakin investisiya öhdəliklərini yerinə yetirmədiyindən, 2005-ci ilin sonunda müqavilə ləğv edilib. Əzimovun qeyd etdiyi kimi, zavod işçiləri İqtisad Məhkəməsi vasitəsilə müqavilənin ləğv edilməsinə nail olublar. Üç il ərzində "Targol" zavoda $50 mln. yatıracağı öhdəliyini götürüb. Lakin birbaşa investisiya cəmi $4,3 mln. yatırılıb, bu da ABB-dən cəlb olunan kreditə dair öhdəlikləri keçir. [İnvestisiya öhdəliklərinin yerinə yetirilməsi monitorinqi, Dövlət Əmlakının İdarə Edilməsi üzrə Dövlət Komitəsinin dəvət etdiyi müstəqil auditorlar tərəfindən keçirilib].

"Vəziyyəti başa düşən investor, məhkəmənin qərarından şikayət etməyib və yatırdığı məbləği geri qaytarmağa cəhd göstərməyib, çünki o, zavoda çoxlu öhdəliklər qoyub", -Əzimov deyib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti