Azərbaycan, Bakı, 18 fevral / müxbir İ.Xəlilova/ Azərbaycan hökuməti Avropa Qonşuluq Siyasəti (ENP) çərçivəsində, 2007-10-cu illər üçün milli indikativ proqram üzrə maliyyə memorandumunu imzalayıb və Avropa Komissiyasına göndərib. Bu barədə bazar ertəsi Avropa İttifaqının texniki yardım proqramlarının koordinasiya bürosunun icraçı direktoru Rüfət Məmmədov məlumat verib. Proqramın büdcəsi 92 mln. avro məbləğində təsdiqlənib.
Azərbaycan tərfdən sənədi Aİ-dən milli koordinator, iqtisadi inkişaf naziri Heydər Babayev imzalayıb.
Layihələrin reallaşdırılması hər il üçün təsdiqlənən proqramlar çərçivəsində həyata keçiriləcək. Avropa komissiyası 2007-ci il üçün 19 mln. avro, 2008-ci il üçün isə, 21-22 mln. avro məbləğində büdcə müəyyən edib.
Planda Azərbaycan üçün prioritet istiqamətlər müəyyənləşdirilib. Bura ölkədə demokratiyanın gücləndirilməsi, iş və investisiya iqliminin yaxşılaşdırılması, davamlı iqtisadi inkişafa dəstək, iqtisadi sahənin və idarəetmə təcrübəsinin qanunvericiliyə uyğunlaşdırılması, sərhədyanı sahədə əməkdaşlıq, Aİ və AR arasında energetika və nəqliyyat sahəsində əməkdaşlığın gücləndirilməsi daxildir.
Hökumət 2007-ci il üçün indikativ proqramı artıq Avropa Komissiyasının təsdiqinə verib. Ona üç istiqamət daxildir - dövlət büdcəsinin sektoral dəstəklənməsi üzrə alət, tvininq-proqram və texniki yardım. Tvininq-proqramda təqribən beş layihəyə 5 mln. avro, digər iki komponentə isə, 13 mln. avro (bu vəsaitlərin 10 faizi büdcənin dəstəklənməsi alətinə texniki yardım üçün nəzərdə tutulur)
2008-ci il üçün proqram çərçivəsində hələlik ədliyyə və ya kənd təsərrüfatı sahəsində yardımın göstərilməsi istiqamətləri müəyyənləşdirilir.
