Azərbaycan, Bakı, 21 fevral / Trend , müxbir İ.Xəlilova / Dünya Bankı (DB) ilə hökumət arasında dəyəri 40 mln. dollar olan "Sosial müdafiənin inkişafı" layihəsi üzrə rəsmi danışıqlar martın 17-18-nə nəzərdə tutulub. Bu barədə DB-nın Bakı nümayəndəliyindən məlumat verilib.
Bank layihəyə Beynəlxalq İnkişaf Assosiyasiyasının (10 il güzəştli dövr və illik 0,75 faiz ilə 35 il müddətinə) şərtləri ilə 25 mln. dollar kredit ayırmağa hazırdar. Layihə özündə dörd komponenti birləşdirir: əmək bazarı sisteminin tam olaraq müasirləşdirilməsi, o cümlədən əmək qanunvericiliyi, əmək mühafizəsi, məşğulluq xidməti sistemlərinin təkmilləşdirilməsi; sosial- təminat sistemi siyasətinin formalaşdırılması; təqaüd sisteminin müasirləşdirilməsi və layihənin idarə edilməsi.
Layihə çərçivəsində, peşəkar təhsil sisteminin tam institusional inkişafı və müasirləşdirilməsi, Avropa təcrübəsi əsasında peşəkar klassifikatorların hazırlanması, həmçinin, Nazirlik tərkibində tədris mərkəzlərinin yaradılması nəzərdə tutulur.
Layihə beş il üçün hesablanıb.
DB sosial sektorda artıq bir layihəni maliyyələşdirib. 2005-ci ildən "Təqaüd islahatları və sosial təminat" layihəsi reallaşdırılır ki, bu layihəyə bank tərəfindən 10 mln. dollar ayrılıb.
Müəlliflə əlaqə saxlamaq üçün elektron ünvan : [email protected]
