Azərbaycan, Bakı, 21 fevral / Trend , müxbir İ. Xəlilova / Dünya Bankı və Azərbaycan hökuməti ikinci avtomagistral yolun tikintisi layihəsinin əlavə maliyələşdirilməsi üzrə danışıqları tezləşdirmək qərarına gəliblər və onu martın 6-na təyin ediblər, - cümə axşamı ölkənin Nəqliyyat Nazirliyindən bildiriblər. Əvvəlcə danışıqlar martın 11-12-nə təyin edilib.
Layihə çərçivəsində Ələt-Masallı və Bakı-Şamaxı-Muğan avtoqmagistrallarında tikinti işlərinin başa çatdırılması və Sahil qəsəbəsindən (Bakıda) Z. Tağıyev qəsəbəsinədək (Sumqayıtdan sonra) ikinci dairəvi yolun tikintisi nəzərdə tutulub.
Layihənin dəyəri $515 mln. qiymətləndirilir. Onun $300 mln.-u Dünya Bankı tərəfindən ayrılacaq, qalanı isə, layihədə dövlət payının hesabına maliyyələşdiriləcək. Layihədə dövlət iştirakının 41,7 faizədək artırılması [əvvəl dövlət iştirakı 10-15 faizədək məhdudlaşdırılıb] beynəlxalq kredit hesabına həyata keçirilən işlərə, xidmətə tətdiq edilən ƏDV (18 faiz) ilə əlaqədardır. Bu xərclər layihədə dövlət iştirakının hesabına ödəniləcək.
Bu yol layihəsi çərçivəsində, DB-nin birinci krediti $200 mln. məbləğində olub. Kredit Beynəlxalq Yenidənqurma və İnkişaf Bankının şərtləri ilə 20 il müddətinə dörd il güzəşt dövründə və libor+0,5 faiz dərəcəsi ilə verilib. Birinci mərhələyə Azərbaycan hökumətinə $65 mln. ayrılıb.
Müvafiq olaraq, bütün layihənin ümumi dəyəri $780 mln. qiymətləndirilir. Bu vəsaitin hesabına Ələt-Masallı avtomagistral marşrutunun dəyişilməsi və genişlənməsi üzrə işlərin başa çatdırılması (bunun nəticəsində, onun uzunluğu 230 km-dən 200 km-dək qısaldılıb), Bakını respublikanın qərb rayonları ilə birləşdirən Bakı-Şamaxı-Muğan yolunun təmiri, həmçinin, Sahil qəsəbəsindən Z.Tağıyev qəsəbəsinədək dairəvi yolun tikintisinə nəzərdə tutulub.
