Azərbaycan, Bakı, 21 fevral / Trend , müxbir İ.Xəlilova/ Uni Leasing lizinq şirkəti Azərbaycan və Mərkəzi Asiyada Lizinqin Maliyyələşdirilməsi Fondu nəzdində Beynəlxalq Maliyyə Korporasiyasının (BMK) texniki yardım Proqramından çıxır. Bu barədə cümə axşamı layihənin rəhbəri Teymur Heybətov məlumat verib. Bu, Uni Leasing-in səhmdarlarından olan Avropa Yenidənqurma və İnkişaf Bankı (AYİB) ilə əməkdaşlıqla əlaqədardır. Buna görə, şirkət bundan sonra AYİB-in lizinq proqramı çərçivəsində maliyyə və texniki dəstək alacaq. (Bu şirkətin səhmlərinin 33 faizi Avropa Bankına məxsusdur.)
2005-ci ildən BMK-nın Azərbaycanda layihəsinin fəaliyyətə başlamasından digər lizinq şirkətlərinə də məsləhətçi xidmətləri göstərməsinə baxmayaraq, onun əsas fəaliyyəti Uni Leasing, AG Leasing və Bank of Baku-ya texniki yardımdan ibarət olub. Uni Leasing korporasiyadan $5 mln. məbləğində kredit alan ilk Azərbaycan şirkəti (düzdür, öz təsisçisi UniBank vasitəsilə) olub.
BMK-nın xüsusi Fondunun büdcəsi $30 mln. ölçüsündə formalaşdırlıb. Onun vəsaitləri Azərbaycan və Mərkəzi Asiyadakı lizinq şirkətləri və banklar vasitəsilə kiçik və orta müəssisələrin lizinq xidmətlərinin maliyyələşdirilməsi üçün nəzərdə tutulub. Uni Leasing-dən əlavə AG Leasing lizinq əməliyyatlarına $1 mln. həcmində kredit alan ikinci şirkət olub.
Heybətov bildirib ki, 2008-ci ilin iyulunda BMK-nın layihələrinin reallaşdırma müddətinin başa çatması ilə əlaqədar olaraq, maliyyə Korporasiyası onların 2009-cu ilin fevralınadək uzadılması imkanlarını nəzərdən keçirmək niyyətindədir. Müddətin uzadılması zamanı İsveçrənin Seco iqtisadi əməkdaşlıq üzrə Dövlət Katibliyi və FMTAAS Fondu tərəfindən əvvəllər ayrılan vəsaitlərə qənaət edildiyi üçün, texniki yardıma əlavə vəsaitlər cəlb edilməyəcək.