Azərbaycan, Bakı, 28 fevral / Trend , müxbir İ.Xəlilova / Azərbaycan hökuməti Aİ-nin GSP - preferensiya sisteminin Azərbaycan ixracçıları tərəfindən istifadəsini genişləndirilməsi üçün texniki yardımın alınması mövzusunda Avropa İttifaqı ilə danışıqlar aparır, - İqtisadi İnkişaf Nazirliyinin İnevestisiya Siyasəti şöbəsinin rəhbəri Əsgər Ələkbərov deyib. Hazırda Azərbaycanın GSP-dən istifadə səviyyəsi 20-30 faiz təşkil edir.
Problem ondadır ki, Azərbaycanın iş adamları belə preferensiya sisteminin mövcudluğu haqqında məlumatlandırılmayıblar, bu səbəbdən də, öz mallarının Avropa bazarlarına çatdırılmasına dair mümkün güzəştlərdən istifadə etmirlər.
Ələkbərovun sözlərinə görə, bu hüququ özəl sektorun hər bir nümayəndəsi, onların məhsulları beynəlxalq keyfiyyət standartlarına uyğuq olmadığından, ala bilməyəcək.
"Azərbaycan sahibkarlarını preferensiya sisteminin fəaliyyəti və istehsal keyfiyyətinin artırılması üçün lazımi tədbirlər haqqında məlumatlandırmasına dair bu istiqamətdə işlər aparmaq niyyətindəyik", - Ələkbərov deyib.
Aİ Azərbaycana güzəşt rejiminin aid olduğu malların siyahısını təqdim edib. Onların siyahısına qida məhsulları, sənaye malları və digərləri aid edilib. Hazırda Aİ malların siyahısının genişləndirilməsini nəzərdə tutan GSP+ hazırlayır.
Aİ-dən preferensiya sistemi haqqında məlumatın yayılmasına texniki yardım həm hökumətdən, həm də özəl sektordan itstənilib. Avropa Komissiyası ilə yardımın göstərilməsi forması hələ müzakirə edilməyib. Bu, seminarlar, tanışlıq tədbirləri və özəl sektorla daha konkret iş formasında ola bilər. Şöbə rəhbərinin sözlərinə görə, 2006-cı il üçün TACİS iş planı çərçivəsində, 2008-ci ilin ortasında İİN-nin institusional dəstəyinə dair tədbirlər başlayacaq. Bu tədbirlər çərçivəsində, İİN və digər idarələrin əməkdaşları üçün seminarlar nəzərdə tutulub. Seminarlarda Aİ-nin preferensiya sisteminə aid məsələlərin müzakirəsi gözlənilir.
Azərbaycanın GSP sistemindən istifadə etməsində əsas məsələ - Azərbaycanda məhsul istehsalında istifadə olunan texniki reqlament və standartların uyğun olmamasıdır. Onlar ölkə ixracatçılarına bu preferensiyalardan tam gücü ilə istifadə etməyə imkan vermir. Bu istifadələrin mahiyyəti ondan ibarətdir ki, GSP sistemi ilə həmin malın Avropa İttifaqı ölkələrinə daxil olmasında ixrac rüsumları xeyli azalır. Aİ-yə idxal edilən mallara müəyyən ixrac rüsumları mövcuddur. GSP, güzəşt şərtlərində idxal edilən kənd təsərrüfatı məhsullarına və Aİ-də istehsal edilməyən mallara aiddir. Güzəşt şərtləri üçüncü dünya ölkələrinin bu malları ixrac etməsi üçün yaradılır.
GSP, əsasən, parçaların, kənd təsərrüfatı mallarının, xüsusilə qoz ixracında istifadə olunur, lakin hələ Ki, Azərbaycan bu sistemdən istifadədə praktiki olaraq sonuncu yerlərdədir.
Müəlliflə əlaqə ünvanı: [email protected]
