Azərbaycan, Bakı, 29 fevral / Trend , müxbir İ.Xəlilova/ Dünya Bankı (DB) iki həftə ərzində "Azərbaycanın maliyyə sistemlərinin modernləşdirilməsi" layihəsinin qiymətləndirilməsinə dair hesabat hazırlayacaq ki, bu da aprel ayının ortalarında Azərbaycan hökuməti ilə kredit razılaşması üzrə rəsmi danışıqları keçirməyə imkan verəcək,- cümə günü DB-nin Bakı nümayəndəliyindən bildiriblər.
DB ekspertləri maliyyə sektoru üzrə baş mütəxəssis (layihənin rəhbəri) Maykl Edvardsın fevralın ortalarında Bakıya səfəri çərçivəsində, layihənin qiymətləndirilməsi və komponentlərinin dəqiqləşdirilməsi üzrə işləri artıq həyata keçiriblər. O zaman bankın ölkəyə təqdim etməyə hazır olduğu kreditin məbləği ilk dəfə açıqlanmışdı, bu məbləğ Beynəlxalq İnkişaf Assosiasiyasının şərtləri daxilində $8-10 mln. qeyd olunmuşdu (35 illik, 10 il uzadılma müddəti ilə və illik 0,75 faiz)
Layihə dörd komponentdən ibarətdir - maliyyə xidmətlərindən istifadə edənlərin hüquqlarının qorunması, sığorta sahəsində qanunvericilik aktlarının təkmilləşdirilməsi, bank infrastrukturları və kapital bazarlarının inkişaf etdirilməsi.
Milli Bank üzrə komponentlərə bir neçə tədbirlər daxildir: AMB yanında fəaliyyət göstərən mərkəzləşdirilmiş kredit reyestrinin daha mükəmməl texnologiyalara keçidi, AMB - də mərkəzləşdirilmiş məlumatlar bazasının yaradılması, kənd yerlərinin maliyyələşdirilməsi mexanizminin yaxşılaşdırılması (kənd təsərrüfatı məhsulları istehsalçılarının uzunmüddətli kredit ehtiyatları əldə etmək imkanlarının təkmilləşdirilməsi).
Bu, ölkənin maliyyə sektoru üçün DB-nin üçüncü və son güzəştli krediti olacaq. DB Azərbaycanın maliyyə sektoruna texniki yardım göstərilməsi məqsədilə artıq $5,4 mln., maliyyə xidmətlərinin inkişaf etdirilməsinə isə - $12 mln. ayırıb.
Müəlliflə əlaqə ünvanı: [email protected]