Azərbaycan, Bakı, 06 mart / " , müxbir Ü.İsmayılova / Azərbaycanın ən iri sığorta şirkətlərindən biri -MBASK yeni sığorta məhsulu hazırlayır. Bu haqda şirkətin İdarə Heyətinin sədri Cəmil Məlikov məlumat verib.
"Yeni məhsul "Qur" avtomobil sığortası proqramının əsasında hazırlanır" - deyə Məlikov bildirib. MBASK 2007-ci ildə müştəri üçün fərdi sığorta sazişinin yaradılması, xidmətlərin çeşidli təqdim edilməsi və ödənişlərə görə maliyyə imkanları verən "Qur" proqramını istifadəyə verib.
Məlikovun sözlərinə görə, şirkət bu avtomobil sığortası proqramı üzərində əlavə işlər aparır və avtomobil sahiblərinə yeni güzəştlər və xidmətlər təqdim etməyi düşünür. Proqram sığortanın beş əlavə növünü nəzərdə tutur ki, "standart qiymətlər olduğu üçün, hətta agentlərə də satılacaq" - deyə Məlikov qeyd edib.
Avtomobil sığortası ilə yanaşı, MBASK mənzillərin sığortası ilə də məşğul olur. Hazırda şirkət həyat sığortası üzərində işləyir ki, bu da "Sığorta haqqında" yeni qanunun tətbiqindən sonra aktuallaşacaq. Ölkə prezidentinin təsdiqindən sonra "Sığorta haqqında" yeni qanuna əsasən, sığorta şirkətlərinin iki yerə - "Life" və " Non-life" sığortası ilə məşğul olan şirkətlərə ayrılması gözlənilir.
Məlikov gələcəkdə MBASK şirkətinin də törəmə "Life" şirkətinin yaradılacağını istisna etmir.
MBASK sığortanın 29 növü üzrə xidmətlər göstərir və 48 sığorta məhsuluna malikdir.
Müəlliflə əlaqə ünvanı: capital
