Gürcüstan, Tbilisi, 10 mart/ Trend , müxbir N.Kirtsxaliya/ Gürcüstan nəqliyyatçıları neftlə yüklənmiş tankerin saydan çıxarılaraq, Batumi limanına gətirilməsi üzrə unikal əməliyyat keçirməyə nail olublar. Gürcüstanın İqtisadiyyat Nazirliyinin nəqliyyat administrasiyasının rəhbəri İrakli Taktakişvilinin bildiridiyinə görə, tankerin təhlükəsiz daşınması üzrə bu unikal əməliyyatda gürcü mütəxəssislərə ukraynalı həmkarları kömək ediblər.
20 gün əvvəl Gürcüstan bayrağı altında üzrən tanker Maxincauri rayonunda saya oturub.
Torpaq və dənizin çirklənməsi təhlükəsi yaranıb. Belə ki, tankerdə 200 ton neft olub.
"Xüsusi işlərin nəticəsində, bir litr də olsun neft axıtmadan, gəmini saydan çıxartmaq və onu Batumi limanına çatdırmaq mümkün olub. Bu işdə bizim mütəxəssislərin böyük xidməti var. Belə unikal əməliyyat hətta Rusiyada keçirilməyib", - Taktakişvili qeyd edib.
Təmir üçün tankeri Türkiyəyə çatdıracaqlar. Burada gəminin tam reabilitasiyası həyata keçiriləcək.
