Azərbaycan, Bakı, 11 mart/ " müxbir İ.Xəlilova/ Dünya Bankı martın 12-13-də kiçik şəhərlərdə su təchizatı və kanalizasiya sisteminin yaxşılaşdırılması üzrə ikinci layihə ilə bağlı Azərabaycan hökuməti ilə rəsmi danışıqlara başlamağa hazırdır. Bu barədə çərşənbə axşamı DB-nin Bakı nümayəndəliyindən məlumat veriblər. Bunun üçün Azərbaycanda su layihələrinin rəhbəri Andreas Rodenin başçılığı ilə Bankın missiyasının Bakıya səfəri başlayır.
Bir müddət əvvəl danışıqlar martın 13-14-ə təyin edilmişdi.
Bankın krediti iki hissədən ibarət olacaq: Beynəlxalq Yenidənqurma və İnkişaf Bankının şərtləri ilə $230 mln. , Beynəlxalq İnkişaf Assosiasiyası şərtlərilə isə $30 mln. ayrılacaq.
Hökumətin layihədə iştirak payı danışıqların gedişində müəyyən ediləcək.
Layihə 21 rayonu əhatə edəcək. Onlardan beşi NMR-də, qalanları isə, Kürdəmir, Ucar, Zərdab və s. istiqamətindədir.
DB 22 rayonun daxil olduğu birinci layihəyə artıq $230 mln. ayırıb. Birinci layihənin ümumi dəyəri $310 mln.-dir. [DB Direktorlar Şurası 2007-ci il iyunun 14-də krediti təsdiqləyib]
DB-nin ekspertlərinin qiymətləndirməsinə görə, Azərbaycanın kiçik şəhərlərində su təchizatının keyfiyyəti və kanalizasiya infrastrukturunun vəziyyəti onların dəstəklənməsi üçün məhdud kapital yatırımları ,uzun müddətdir ki, istimar olunduğundan, qənaətbəxş deyil. Bu obyektlərin vəziyyəti ictimai sağlamlığa mənfi təsir göstərir və ekoloji vəziyyətin aşınması riskini artırır. Birinci layihənin reallaşdırılması nəticəsində, ən azı 700 min insan su ilə təmin ediləcək, kanalizasiya xidmətlərindən istifadə edə biləcəklər. Bu layihənin 2012 - ci ilədək reallaşdırılması nəzərdə tutulub.
Məqalə müəllifinin ünvanı : [email protected]
