Azərbaycan, Bakı, 17 mart / Trend , müxbir Ü. İsmayılova/ Azərbaycan Ümumdünya daxil olmağa tələsmir. Bu barədə bazar ertəsi Milli Məclisin İqtisadi siyasət komissiyasının sədri Ziyad Samədzadə bildirib.
"Azərbaycan təşkilata beynəlxalq institutlarla əməkdaşlıq çərçivəsində daxil olmaq niyyətindədir. Bunun nə zaman baş verəcəyini demək hələ tezdir"- deyə Səmədzadə bildirib.
ÜTT - dünya ticarət münasibətlərini liberallaşdıran nüfuzlu təşkilatlardan biridir. Azərbaycan 1997-ci ildən ÜTT-də müşahidəçi qismində çıxış edir.
Səmədzadənin sözlərinə görə, təşkilata daxil olmanın mənfi nəticələrilə qarşılaşmamaq üçün, MDB ölkələrindən (Ermənistan, Gürcüstan, Moldova və Qırğızıstan) fərqli olaraq, ölkə daha hazırlıqlı olmalıdır. Bu ölkələr təşkilata daxil olandan sonra davamlı yüksək templi inkişafa malik üzv-ölkələr arasında özlərini göstərə bilmədilər.
Beynəlxalq ekspertlərin fikrincə, bu ölkələr təşkilata daxil olarkən iqtisadiyyatda yüksək tempə görə seçilirdilər və bu da ÜTT-yə daxil olmağa zəmin yaradırdı. Beş ildən sonra isə, beynəlxalq ekspertlərin proqnozlarının əksinə olaraq, bu ölkələrin iqtisadi tempi nəzərəçarpacaq dərəcədə azalıb .Bu da onların təşkilatın standartlarına uyğun olmadığını göstərir.
Azərbaycan qanunvericiliyini UTT standartlarına çatdırmaqdan ötrü, Azərbaycan vergi və gömrük kodekslərində, "İnvestisiya fəaliyyəti haqqında", "Banklar haqqında", "Sığorta haqqında" və rəqabət kodeksində əlavə və dəyişikliklər edəcək.
Müəlliflə əlaqə ünvanı: [email protected]
