Azərbaycan, Bakı, 01 aprel / Trend S.Əliyev/ Gəncə Avtomobil Zavodu bu zavodda quraşdırılan, Minsk traktor Zavodunun 352 traktorunun 2008-ci ildə "Aqrolizinq"ASC-nə tədarükünə dair çərşənbə axşamı müqavilə imzalayıb. Bu barədə çərşənbə axşamı müəssisənin rəhbəri Xanlar Fətiyev məlumat verib.
Bu 2008-ci ildə Gəncə Avtomobil Zavodunun ASC üçün traktor tədarükü üzrə ikinci müqavilədir. 148 traktorun tədarükünə dair birinci müqavilə keçən ilin sonlarında imzalanıb. 2008-ci ilidə "Aqrolizinq" zavoddan 500 traktor alacaq. Gəncə zavodu eləcə də, bölgələrdə istehsal olunmuş avadanlığın texniki xidmətini həyata keçirən servis xidmətlərinə də malikdir.
Hazırda müəssisədə Belarusiyanın "Dorglektromaş" müəssisəsinin "Belarus" traktorları bazasında asma avadanlıqların quraşdırılması və Smorqon Aqreqat Zavodunda işlər gedir.
Gəncənin avtomobil zavodunda hazırda dəyəri 13 mindən 35 min manatadək olan altı modifikasiyalı traktor istehsal olunur. Azərbaycanda Minsk Avtomobil və Traktor Zavodunun bütün növ yük avtomobilləri və traktorlarının quraşdırılması, satışı ilə bağlı müqavilə 2006-cı ilin noyabrında imzalanıb.
Quraşdırılma 15 min. kv. m sahəsi olan ərazidə həyata keçirilir. Gəncə zavodu ildə Azərbaycanda bir minə qədər yük avtomobili və iki min traktor yıgmaq əzmindədir.
"Aqrolizinq" ASC 2004-cü il oktyabrın 23-də Azərbaycan prezidenti İlham Əliyevin sərəncamı ilə yaradılıb. Müəssisənin fəaliyyəti aqrar sahənin yaxşılaşdırılması və ölkədə yerli torpaq sahibkarlarına müxtəlif kənd təsərrüfatı texnikasının lizinq yolu ilə verilməsilə sahibkarlığın dəstəklənməsi daxildir. Hazırda işğal edilmiş rayonlar istisna olmaqla, ASC-nin doqquz bölgə aqroservis təhcizat bazası və Azərbaycanın bütün rayonlarında 57 aqroservis filialları fəaliyyət göstərir.
Müəlliflə əlaqə saxlamaq üçün elektron ünvan: [email protected]