Azərbaycan, Bakı, 02 aprel/ " müxbir İ.Xəlilova/ Azərbaycan hökuməti mayda keçirilməsi mümkün olan ikitərəfli danışıqların tarixinin təyin edilməsi üçün Ümumdünya Ticarət Təşkilatına (ÜTT) üzv ölkələrlə məsləhətləşmələr aparır. Bu barədə çərşənbə axşamı danışıqlar qrupunun rəhbəri, xarici işlər nazirinin müavini Mahmud Məmmədquliyev məlumat verib.
"Onlar ilkin olaraq mayın 6-a təyin edilən ÜTT-nin işçi qrupu ilə danışıqlar ərəfəsində və ya bu görüşdən sonra keçirilə bilər", - Məmmədquliyev dəqiqləşdirib.
Bu gün ölkə ABŞ, Avropa İttifaqı, Cənubi Koreya, Yaponiya, Çinin Tayvan əyaləti ilə danışıqlar mərhələsindədir. Bu siyahıya Hindistan və Norveç də daxil olub.
Görüşlərdən bəzilərinin ölkələrin paytaxtlarında və ya Bakıda keçiriləcəyi istisna edilmir.
İndiyədək belə etmək mümkün deyildi. Belə ki, danışıqların davam etməsi üçün baund-tariflərin, yəni Azərbaycanın mal və xidmətlər bazarına daxil olmaq üçün gömrük tariflərinin maksimal ölçüsü qanunvericiliyin ÜTT tələblərinə uyğun vəziyyətə gətirilməsi, ölkənin bank, sığorta, telekommunikasiya, enerji bazarına çıxış üzrə təkliflərin yenilənmiş variantını təqdim etmək lazımdır. Məmmədquliyev bu təkliflərin artıq Ümumdünya Ticarət Təşkilatının Katibliyinə təqdim edildiyini bildirib.
Bu günədək Azərbaycan Türkiyə, Gürcüstan, Əmman, Moldova və BƏƏ ilə danışıqları bitirib, lakin yalnız Türkiyə ilə yekunlar üzrə protokol imzalanıb. Nazir müavininin sözlərinə görə, Əmman arıtq ikitərəfli sənədin imzalanmasına hazır olduğunu təsdiqləyib. BƏƏ, hələ ki, missiyalar səviyyəsində hazır olduğunu bildirib.
Müəlliflə əlaqə saxlamaq üçün elektron ünvan: [email protected]