Azərbaycan, Bakı, 09 aprel / Trend , müxbir A.Bədəlova/ 2009-cu ildə ABŞ -da ÜDM artımı, 2008 - ci ilin 0,5 faizi ilə müqayisədə, 2009- cu ildə 1,5 faiz təşkil edəcək. Bu barədə Britaniyanın iqtisadi araşdırmalar üzrə aparacı konsaltinq şirkətlərindən biri "Capital Economics Ltd"nin baş beynəlxalq iqtisadçısı Culian Cessop (Julian Jessop) bildirib.
" Biz 2009-cu il ABŞ-ın ÜDM artım proqnozunu 2 faizdən 1,5 faizədək azaltmışıq" - deyə Cessop Trend a çərşənbə günü bildirib.
Cessopun sözlərinə görə, ABŞ- da məşğulluq haqqında hətta son xoş olmayan məlumatlar da, iqtisadiyyatın açıq-aydın ifadə olunmuş resessiyasına kifayət deyil, "aşağı salınmış trend göz qabağındadır"
Keçən həftə Federal Ehtiyat Sisteminin rəhbəri Ben Bernanki ABŞ Konqresinin iqtisadiyyat üzrə Komitəsində çıxış edərkən, ilk dəfə resessiyanın əmələ gəlməsi imkanlarından danışıb. Onun sözlərinə görə,ABŞ-ın UDM-i cari ilin birinci yarısında çox aşağı templərlə arta bilər və hətta aşağı da düşə bilər.
Dünən Federal Ehtiyat Sistemi martın 18-də keçirilmiş açıq bazardakı əməliyyatlar üzrə Komitə (FOMC) iclasının protokolunu dərc edib. Bu iclasda FOMC 75 bazis maddəsi üzrə federal fondların borclarını 2,25 faiz azaltmaq haqqında qərar verib.
Müəlliflə əlaqə saxlamaq üçün elektron ünvan: [email protected]
