...

Martda Bakının ilkin daşınmaz əmlak bazarında olan orta qiymətlər açıqlanıb

Biznes və iqtisadiyyat xəbərləri Materials 21 Aprel 2008 17:50 (UTC +04:00)

Azərbaycan, Bakı, 21 aprel/ " müxbir Ü.İsmayılova/Martda Bakının ilkin daşınmaz əmlak bazarında bir kvadrat metr yaşayış sahəsinin orta qiyməti 1,8 faiz artaraq $1076-a çatıb. Bu barədə "Əmlak Bazarı İştirakçıları" İctimai Birliyin bazar ertəsi yayılan məlumatında deyilir.

Martda ilkin bazarın portfelinin azalması müşahidə olunub, bəzi obyektlərdə tikinti işləri məhdud xarakter daşıyıb. Bu yeni tikilən binalara təlabatın azalması ilə bağlıdır. Lakin, təlabatın azalmasına baxmayaraq, bazarda yeni Elite sinifli mənzillərin təklif edilməsinə görə, orta qiymətlər artıb.

Ötən ilin avqustunda tikilməkdə olan 16 mərtəbəli binanın uçmasından sonra Bakıda yeni tikilən binalara təlabatın azalması müşahidə olunur. Bu hadisə nəticəsində 25 nəfər həlak olub.

Martda yeni tikilən binalarda mənzillərin sahəsi 0,2 faiz azalaraq 121,6 kv. m təşkil edib. Fevralda bu rəqəm 121,8 kv. m olub.

Ən çox yeni tikili əvvəlki aylarda olduğu kimi Bakının Yasamal rayonu ərazisində aparılır. Tikilən obyektlərin sayına görə, Nəsimi rayonu ikinci, Xətai rayonu isə üçüncü yeri tutur.

İctimai birliyin monitorinqinin yekunlarına görə, martın sonunda Bakıda 216 tikinti şirkəti tərəfindən 581 bina tikilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti