Azərbaycan, Bakı, 22 aprel/ Trend , müxbir İ.Xəlilova/ Azərbaycan hökuməti Avropa İnvestisiya Bankına (EİB) bankın vitse-prezidentinin apreldə Bakıya səfəri çərçivəsində imzalanması planlaşdırılan əməkdaşlıq haqqında çərçivə sazişinin imzalanmasını təxirə salmağı təklif edib. Bu barədə çərşənbə axşamı İqtisadi İnkişaf Nazirliyinin investisiya siyasəti üzrə şöbəsinin rəisi Əsgər Ələkbərov məlumat verib.
"Biz sazişə dəyişikliklər edildikdən sonra onun üçün vizaları vaxtında toplaya bilməyəcəyimiz barədə bankı məlumatlandırmışıq, - Ələkbərov bildirib. Yeni tarixlər hələ razılaşdırılmayıb".
Saziş imzalandıqdan sonra ölkə parlamentində təsdiq edilməlidir. Buna görə EİB-in Azərbaycanda layihələri maliyyələşdirməsi tezliklə baş verməyəcək. Lakin bank artıq dəmir yolu nəqliyyatının maliyyələşdirilməsinə $500 mln. ayırmağa hazır olduğunu bildirib.
EİB layihələri Avropa Qonşuluq Siyasəti çərçivəsində Avropa İttifaqının vəsaitləri hesabına maliyyələşdirməyi planlaşdırır və buna görə də iki-üç və daha çox ölkələri birləşdirəcək regional xarakterli layihələrə üstünlük veriləcək.
AYİB və EİB Rusiya, Ukrayna, Moldova, Cənubu Qafqaz dövlətləri və Mərkəzi Asiya ölkələrinə birlikdə sərmayə yatırmağa hazır olduqlarını bildiriblər. Aİ Şurası 2013-cü ilədək birgə maliyyələşdirmə çərçivəsində 3,7 mlrd. avro və ya ildə 500 mln. avro ayrımağa hazırdır.
Müəlliflə əlaqə saxlamaq üçün elektron ünvan: [email protected]
